Eki qırımlı mahkemeci devlet hainligi qabaatı ile ğıyaben 12 ve 13 yıl apis cezasına mahküm etilgen. Bunı QMC Prokuraturasınıñ matbuat hızmeti haber etti.
"Muhtariyet prokurorları 2014 senesi makümler Ukrayina halqına sadıqlıq antına hainlik etkenini tasdıqladı. İşğal akimiyeti altında olar Kirovsk rayon mahkemesiniñ reisi ve qanunsız şekilde teşkil etilgen Yalta şeer mahkemesiniñ mahkemecisi vazifesine keçkenler", - dep yazıla bildirmede.
Haber etilgeni kibi, dava figurantları öz areketlerinen yarımadada işğal adliye organlarnınıñ tiklenmesine yardım etkenler.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
