Teşkilâtnıñ malümatına köre, tutulğanlar 2025 senesi martnıñ 7-nden 21-ne qadar şu qabaatlavlar boyunca tutuldı:
- Ukrayina tarafdarı laflar ve vatanperverlik timsalleri içün 4 insan;
- devlet hainligi içün 3 insan;
- Ukrayina mahsus hızmetlerinen işbirligi içün 2 insan;
- diversiyağa azırlıq içün 1 insan;
- Noman Çelebicihan adına qırımtatar batalyonında iştirak etüv içün 1 kişi.
İşğal etilgen topraqlarda 3,5 yıldan 24 yılğa qadar apis cezası berile. Rusiye quvetçileri daa altı dava açtı, hususan, SBU ile işbirlikte, diversiyağa azırlıq körüvde, Noman Çelebicihan batalyonında iştirak etüvde ve Ukrayina tarafdarı laflarda qabaatlandı.
"Rusiye işğalcileri işğal etilgen Ukrayina topraqlarınıñ sakinlerini — hususan Ukrayina tarafdarı olğanları içün, içtimaiy ağlarda paylaşqanları içün ve atta adiy izaatları içün taqip etmege devam ete. Hususan, tutulğanlarnıñ adlarını gizli tutmaq, olarnıñ qorçalavını ve uquqiy yardımını qıyınlaştıra. Bu, işğalci rejimge qarşılıq köstergen er angi insannı yoq etmek maqsadınen yapılğan repressiya siyasetini köstere", — dep bildire QRM.
Aq qorçalayıcılarnıñ fikrince, Rusiye işğalci memuriyetleri tarafından repressiyalarnıñ quvetleştirilüvi, Rusiye barışıq ya da barışıq al etilmesine ıntılmağanını köstere, aksine, er angi qarşılıqnı bastırmaq ve yerli ealiniñ iradesini qırmaq içün terror ve qorquzuv siyasetini devam ete.
QRM bildirgenine köre, Qırım ilhaqı vaqtında aq qorçalayıcılar 399 mabüsni qayd etti, olardan 241 qırımtatardır.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
