Avropa jurnalistler federatsiyası (EFJ) Rusiye tarafından işğal etilgen topraqlarda taqip etilgen ukrayin jurnalistleriniñ azat etilmesini talap etti.
Cedvelge Amet Suleymanov, Asan Ahtemov, Dmitriy Hilük, Ernes Ametov, İrına Danılovıç, İrına Levçenko, Marlen Asanov, Remzi Bekirov, Rustem Şeyhaliyev, Sergey Tsığipa, Server Mustafayev, Seyran Saliyev, Timur İbragimov, Viktoriya Roşçina, Vilen Temeryanov, Vladislav Yesipenko kirdiler.
''EFJ ve onıñ aza teşkilâtları milliy ükümetlerni Avropada matbuat serbestligini ve jurnalistlerniñ telükesizligini temin etmek içün kerekli tedbirlerni almağa çağırdılar. Uquqiy standartlar bar, em de eñ yahşı ameliyat. Amma pek az devlet olarnı amelge keçire", - denile beyanatta.
Qırım işğaliniñ birinci künlerinden Rusiye Qırımda söz serbestligine ücüm etmege başladı. Ukrayina Prezidentiniñ Qırım Muhtar Cumhuriyetindeki daimiy temsilcisi Tamila Taşeva bildirgeni kibi, Qırımda "Rusiye Federatsiyasınıñ Yuqarı Şurası"nı itibardan tüşürgenleri içün 559 dava açıldı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
