«Menbalarımızdan belli olğanına köre, kimligi belli olmağan üç erkek Ediye Muslimovanı beyaz GAZelge mindirgen. Bu tünevin, noyabrniñ 21-nde, eviniñ yanında turğan maşinası yanında oldı», – dep haber etti Zudiyeva.
Cuma künü belli olğanına köre, Qırımda «Armançıq» qırımtatar bala mecmuasınıñ baş muarriri 61 yaşında Ediye Muslimova tünevinden berli bağğa çıqmay. Ne şahsiy, ne de iş telefonı çalışmay. Ediye Muslimovanıñ maşinası ev yanında tura. Soy-sopları Rusiye polisine muracaat etti ve onı qıdıra, dep bildirdi ciyeni Elzara Muslimova.
«Armançıq» 2011 senesinden berli Qırımda basıla ve er ay çıqa. 2019 senesi Ediye Muslimova mecmuanıñ vaziyeti zor ve qapatılmaq üzre, dep aytqan edi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
