Al-azırda ne şahsiy, ne de iş telefonı çalışmay. Ediye Muslimovanıñ maşinası ev yanında tura. Tünevinden berli bağğa çıqmay. Soy-sopları Rusiye polisine muracaat etti ve onı qıdıra, dep bildirdi ciyeni Elzara Muslimova.
«Tünevin, cumaaqşamı künü, 2024 senesi noyabrniñ 21-nde saat 11-de alam Ediye Muslimovanen soñki sefer laf ettim. Laf ettik, evde bir-eki işini bitirip, Aqmescitten, Kiyevskaya soqağından Sudaq şeerine doğru, Qoz (Solneçnaya Dolina) köyüne anasına ketecek, dep ayttı», – dedi Elzara Muslimova.
Elzara Muslimovanıñ aytqanına köre, Ediye Muslimovanıñ anası 91 yaşında. Qızınıñ ve başqalarınıñ yardımına muhtac. Qartana birinci derece saqatı ola.
«Aqşam saat 6-da anası (qartanam) telefon etip, alâ daa kelmegenini ayttı. Telefon etip başladım, qartanam saat 16.00-dan berli bağlanıp olamay edi, saat 15.00-te ciyenleri telefon etken edi, bağda degil edi. Telefon etip başladım – 2 cep telefonı bar (iş ve şahsiy), ekisi de çalışmay. Bir bağ yoq: ne Telegram, ne WhatsApp, ne Viber», – dep qoştı ciyeni.
Elzara Muslimova Qırımnıñ Rusiye prokuraturasına ve Rusiye qurğan FSB idaresine muracaat azırlay.
«Armançıq» 2011 senesinden berli Qırımda basıla ve er ay çıqa. 2019 senesi Ediye Muslimova mecmuanıñ vaziyeti zor ve qapatılmaq üzre, dep aytqan edi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
