Noyabrniñ 23-nde aqşam qırımlı advokat Edem Semedlâyevniñ Ekstremizm ile küreş merkeziniñ bölük yolbaşçısı Ruslan Şambazovnıñ talabınen ses qaydını toqtatmağanı içün berilgen memuriy apis müddeti bite.
«Bugün aqşam qırımlı advokat Edem Semedlâyevniñ 12 künlik memuriy apis cezası bite, o, Aqmescitniñ vaqtınca tutuv izolâtorında tutula – resmiy şekilde «polis hadiminiñ talaplarına riayet etmegeni» içün, aslında ise – işini yapqanı içün», – dep hatırlattı qırımlı aq qorçalayıcı Lutfiye Zudiyeva.
Noyabrniñ 18-nde Rusiye kontrolindeki Qırım Yuqarı mahkemesi advokat Edem Semedlâyevniñ imayesi bergen istinafnı red etti. Kollektiv istinaf şikâyeti qapalı şekilde baqıldı.
Noyabrniñ 11-nde Rusiye kontrolindeki Aqmescitniñ Merkeziy rayon mahkemesi Edem Semedlâyevni 12 künge apiske aldı. Mahkeme oña Ekstremizm ile küreş merkezi hadiminiñ soyunuv talabına riayet etmegeni içün memuriy protokolğa köre 4 biñ ruble para cezasını berdi.
ABD OSCE missiyası Qırımda mustaqil advokatlarğa qarşı taqip siyasetini toqtatmağa talap etti. Semedlâyevniñ apiske alınmasını Büyük Britaniyanıñ ve Çeh Cumhuriyetiniñ Ukraina elçihaneleri de takbih etti. Ukraina Tış işler nazirligi Edem Semedlâyevniñ apiske alınmasını «zenaat aqlarınıñ bozuluvı» ve «basqı» dep adlandırdı.
