Sabıq siyasiy mabüs, qırımtatar faali Edem Bekirov, Yañı yıl bayramı künlerinde SİZO hadimlerinden iç yımşaqlıq olmadı, dep Qırım.Aqiqat hadimine aytıp berdi.
"Yahşı bir şey yoq. Kamerada yarı açıq pencere ve pencere artında fişenk atılğanını baqasıñ. Adamlar bayram ete, sen ise kamerada oturıp bunı seyir etesiñ. Er şeyni ve er kesni hatırlaysıñ: kim seni anda oturttı ve ilâhre. SİZO hadimleri tarafından bir yımşaqlıq olmadı. SİZOda Yañı yıl - sade bir saba, sade kün. Bir şey qoşulmadı, bir şey azlaşmadı. Sadece oturasıñ ve bu ayatnı lânet etesiñ", - qayd etti Bekirov.
Edem Bekirov 2019 senesi sentâbr ayında Ukraina ve Rusiye denişimi vaqtında Kyivde qayttı.
Herson vilâyetindeki Novooleksiyıvka qasabasınıñ sakini Edem Bekirov dekabrniñ 12-nde saba Qırım kirişinde Rusiye uquq qoruyıcıları tarafından tutıldı. O, 78 anasını ve aqrabalarını ziyaret etmek içün Qırımğa ketti. Daa soñra onı Aqmescitteki Rusiye FSB binasına alıp ketkenler. Kreml kontrolindeki Aqmescitniñ Kiyev rayon mahkemesi Bekirovnı eki ayğa apiske aldı.
Advokat Aleksey Ladinniñ bildirgenine köre, Bekirov Rusiye Ceza kodeksiniñ 222-nci maddesiniñ 2-nci qısmı ve 222.1-inci maddesiniñ 2-nci qısmı boyunca (patlayıcı madde ve patronlarnı saqlav ve berüv) şeklene. Uquqçı Lilâ Gemeci qayd etkenine köre, faal 10 kilogramm trotil ve 190 muarebe patronını taşuv ve tarqatuvda qabaatlana.
