Eçki Dağ – Qaradağ ve Meganom arasında ortadaki ve bu yerde eñ yüksektir. Eñ yüksek töpesi – Qara Oba – 670 metrliktir. Eçki Dağ uzaqtan bile körünip quvandıra: em «Tavrida» yolundan, em Kefe ve Kaygador arasındaki boğaznıñ manzara meydançığından.
Daa keçken asırnıñ 70-inci yıllarından berli turistlerge qapalı Qaradağdan farqlı olıp, Eçki Dağ açıq qaldı ve "kiyik" raatlıq içün sevimli yer oldı. Deñiz tarafından dağda üç çoqraq tapmakh mümkün. Amma bu yaz kibi qurğaq yıllarda suvnı tek bir danesinden almaq mümkün.
Otuz vadiysinde Eçki Dağ aqqında bir sıra efsane bar. Yüz yıl evelsi dağ qasabanıñ av yeri olğan edi. Mında ormanda alâ daa olğan kiyik eçki, qaracalarnı atıp öldürgen ediler. Eçki Dağnıñ belli yerlerinden biri – Qulaq Yerniñ qobası – terenligi 132 metr olğan qaya aralığıdır. Eçki Dağ etrafında bir çoq soqaq ve bir qaç maşina yolu bar. Bir çoq yol şlagbaumnen qapatılğan, anahtarı tek dağcılarda bar.
Qırım.Aqiqat mühbiri Eçki Dağnıñ dülber yerlerini dolaşıp, fotoresim çıqardı.
Facebook Forum