BM Baş kâtibi António Guterres fevralniñ 6-nda BM Baş Assambleyasında çıqışta bulunıp, cenkniñ Ukrayına tışına çıqa bileceginen bağlı qorqularını aydınlattı. «Barışıq imkânları eksilmege devam ete. Kerginlik ve qan tökülüv ihtimalleri artmağa devam ete. Dünya daa büyük bir cenkke kete, dep qorqam», – dep bildire DW.
Ukrayına ealisiniñ aman-aman 40 fayızı gumanitar yardımğa muhtac. 17 million 600 biñ kişi. Rusiyeniñ Ukrayınağa qarşı başlatqan cenkniñ qurbanlar sayısı 7 biñden çoq barışıqsever vatandaş oldı. Aman-aman 8 million kişi diger memleketlerge ketti. Daa 5 million İnsan qaçaq merkezlerinde yaşay. Bunı BM Telükesizlik şurasınıñ toplaşuvında BM Baş kâtibiniñ gumanitar meseleler muavini Martin Griffits ayttı, dep bildire «Amerikanıñ sesi».
Keçken künü devamında Rusiye ordusı, Ukrayına Silâlı quvetleriniñ malümatına köre, Ukrayınağa beş raketa, 12 aviatsiya darbesini endirdi. Rusiye ordusı toplu ateş reaktiv sistemalarından Ukrayınağa tahminen qırq kere ateş açtı. Darbeler esasen Ğola Prıstan ve Herson şeerlerinde vatandaş obyektlerine endirildi. Vatandaşlar arasında qurbanlar bar.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
