Büyük istilâ başlanğandan berli Rusiye Ukrayinağa qarşı 16 biñden çoq raketa darbesini endirdi, olarnıñ ekseriyeti grajdan nişanlar, dep bildirdi Ukrayina mudafaa naziri Oleksiy Reznikov.
"Soñki doquz ay içinde Rusiye Ukrayinağa 16 biñden çoq raketa darbesini endirdi. Rusiye nişanlarınıñ 97 faizi grajdandır. Biz terrorcılarğa qarşı cenkleşemiz. Ukrayina yeñecek ve arbiy cinayetçilerni mesüliyetke çekecek", - dep yazdı Reznikov.
Onıñ sözlerine köre, Rusiye endirgen darbelerden sebep 220 energetika infraterkibi ve aman-aman 250 naqliyat obyekti zarar körgen.
Noyabrniñ 23-nde Rusiye Kıyiv ve diger Ukrayina şeerlerine qarşı kene raketalarnen ücüm etti.
Ukrayinanıñ energetika nazirligi, noyabrniñ 23-nde Rusiyeniñ raketa ücümi bütün atom elektrik stantsiyalarınıñ, issilik ve gidroelektrik stantsiyalarnıñ çoqusınıñ kesilmesine sebep olğanını bildirdi.
Moskva bir sıra delil olğanına baqmadan, vatandaşlarğa qarşı ücüm etkenini inkâr ete.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
