Yañı saylanğan Ukraina halq deputatları ant etecek Ukraina Yuqarı Radasınıñ tantanalı toplaşuvı avgustnıñ 29-nda saat 10:00-da başlanacaq.
Azatlıq Radiosı parlament yanından ve Kyiv merkezinden canlı yayın köstere.
İyülniñ 26-nda Ukraina Merkeziy saylav komissiyası iyülniñ 21-nde olıp keçken nevbetten tış parlament saylavları protokollarınıñ 100%-ını teşkerdi.
Bu malümatqa köre, «Halq hızmetçisi» («Sluğa narodu») reylerniñ 43,16%-ını (6 307 097) qazandı, «Muhalifet platforması – Ayat içün» (Opozıtsiyna platforma – Za jıttâ») – 13,05% (1 908 087), «Vatan» («Batkivşçına») – 8,18% (1 196 258), «Avropa birdemligi» («Yevropeyska solidarnist») – 8,1% (1 184 475), «Ğolos» («Ses») – 5,82% (851 669).
