Link açıqlığı

Donetskte antiterroristik ameliyat neticesinde bir insan elâk oldı ve 9 yaralandı – Vilâyet Devlet memuriyeti


Ukraine - Local residents look on as an armed pro-Russian activist guards a police station in the eastern Ukrainian city of Slovyansk after it was seized by a few dozen gunmen on April 12, 2014.
Donetskte antiterroristik ameliyat neticesinde bir insan elâk oldı ve 9 yaralandı.

Donetsk Vilâyet Devlet memuriyetiniñ sağlıq saqlav departamentiniñ beyanatına köre, Slavânsk şeеrinde antiterroristik ameliyat devamında 5 insan yaralandı. Bundan da ğayrı, al-azırda «Rostov-Harkov» yolunda Slavânsk ve Artemovsk şeerleri arasında silâlı çatışma devam ete. Onıñ neticesinde bir insan elâk oldı, 4 – zarar kördi.

Slavânskta acele yardım arabalarnıñ areket etüvi şimdi sıñırlıdır, amma ekimler bütün olğan imkânlarnı qullanıp, acele yardımnı köstermege ve zararlanğan insanlarnıñ hastahanelerge ketirilmesi içün areket ete.

Taraflardan qaysı birisinde zarar körgenler bar olğanı aqqında malümat al-azırda belli degil, dep bildire Radio Svoboda.

Bugün Slavânskta Ukraina havfsızlıq hızmeti yolbaşçılığında antiterroristik ameliyat olıp keçe.
XS
SM
MD
LG