"Beş qatlı sekiz bina, memuriy bina ve 30 avtomobil zarar kördi. Mesken binalarda ve memuriy binada yanğınlar çıqtı", — dep, martnıñ 8-de sabasında çıqqan beyanatta aytıla.
Qurtarıcılarnıñ aytqanlarına köre, yanğınnı söndürgende, rus quvetleri tekrar darbe endirdiler, yanğın söndürici maşnağa zarar ketirdiler.
"Telükege baqmadan, qurtarıcılar öz işine devam eteler. 20 dairede yanğın sözdürüldi, umumiy meydanlığı 190 kvadrat metr", — dep qayd ettiler Ukrayina fevqulâde vaziyetler devlet hızmetinde.
Milliy polis yaralılar arasında 5 bala olğanını bildirdi.
Rusiye arbiyleri çeşit silâlardan Ukrayina regionlarına muntazam sürette ücüm ete.
Rusiye yolbaşçılığı, Rusiye ordusınıñ, büyük cenk vaqtında, Ukrayina şeerleri ve köyleriniñ grajdan infrastrukturalarına maqsatlı darbeler endirgenini, vatandaş ealisini öldürgenini ve hastahaneler, mektepler, bala bağçaları, energetika ve suv teminlevi obyektlerini yoq etkenini red ete.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tanıy ve olarnıñ maqsatlı olğanını qayd ete.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.
