Donetsk vilâyetiniñ Konstântinovka rayonında Rusiye arbiy uçağı urıp tüşürildi, dep bildirdi şeerniñ arbiy memuriyetiniñ yolbaşçısı Serğiy Ğorbunov, dep haber ete "Suspilne".
"Parçalar qısmen Konstântinovka şeeri etrafına tüşti. Parçalar şahsiy sektorğa da tüşti — bir qaç şahsiy ev zararlandı. Qurban ya da zarar körgenler yoq", — dep qayd etti o.
Donbas Aqiqat mühbiri haber etkenine köre, bundan evel Kramatorsk şeerinde eki ava bombasını atqan RF ordusınıñ uçağı tüşti.
Yerli gruppalarda uçaqnıñ başqa uçaqtan yapılğan "ava-ava" raketa ile yoq etilmesiniñ videoları tarqatıla. Yerli sakinler, uçaq başqa Rusiye uçağı tarafından tüşürilgenini tahmin ete, dep bildire Azatlıq Radiosınıñ mühbiri.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
