Konstantinovkanıñ Rusiye tarafından ateşke tutulması neticesinde daa bir bala ölgen. Bunı Donetsk vilâyetiniñ arbiy memuriyetiniñ yolbaşçısı Pavlo Kırılenko bildirdi.
"Doquz yaralanğan kişi edi. Eki adam öldi. Saat 19:25 pek yaramay haber keldi, 2011 senesi doğğan qız öldi. Üç adam öldi, olarnıñ arasında eki bala", - dep bildirdi o.
İyülniñ 24-nde Rusiye ordusı Konstantinovkanı ateşke tuttı. Yerli havuz yanında 10 yaşandaki oğlan öldi, yedi kişi yaralandı, olarnıñ arasında dört bala.
Ukrayina Baş prokurorı ofisiniñ malümatına köre, 2023 senesi iyülniñ 25-i itibarınen Rusiyeniñ tecavuzı neticesinde 497 bala öldi ve 1077 yaralandı.
Ukrayinağa qarşı Rusiye silâlı ücümi 2022 senesi fevralniñ 24-nden sabadan berli devam ete. Rusiye ordusı arbiy ve vatandaş infrastrukturasınıñ esas obyektlerine avadan darbe endire, uçaq alanları, arbiy bölük, cermay bazaları, yaqıt stantsiyaları, kilse, mektep ve hastahanelerni viran ete.
Rusiye ordusı çekilgen soñ azat etilgen köy ve şeerlerde kütleviy öldürüv adiseleri aqqında belli oldı. Bazı ğarbiy liderler Rusiyeni cenk cinayetlerinde qabaatladı. Rusiye akimiyeti arbiyleriniñ öldürüvlerge alâqası bar olğanını inkâr etip, olarnı «uyduruv» dep adlandıra.
Rusiye Ukrayinağa qarşı basqıncılıq cenk alıp barğanını inkâr ete ve bunı maqsadı «askeriysizleştirüv ve denatsifikatsiya» olğan «mahsus operatsiya» dep adlandıra.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d2a3ebzji45ji0.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
