Keçken künü Donbasta aydutlar ateşkes rejimini üç kere bozdı. Bu aqta Birleşken quvetler tedbirleriniñ ştabı haber etti.
«Duşman çeşit sistema granata atıcıları, büyük kalibrli qurşunatqıçlar ve diger atıcılıq silâsından bölüklerimizniñ mevzilerine ateş açtı», – dep aytıla haberde.
Ukraina arbiyleri zarar körmedi.
«Kün başlağanından Rusiye işğalci ordusı avtomatik granata atıcılardan ve büyük kalibrli qurşunatqıçlardan Novoluğanske imayecilerine qarşı bir kere ateş açtı. Bizde yaralanğanlar yoq», – dep aytıla haberde.
«DNR» qanunsız silâlı birleşmesi Ukraina arbiyleri tarafından açılğan eki ateş aqqında bildirdi.
Rusiye qoltutqan «LNR» silâlı gruppirovkasınıñ aydutları öz resurslarınla ateş aqqında bildirmedi.
Donbastaki silâlı zıddiyet 2014 senesinden berli Rusiyeniñ Qırım işğalinden soñ devam ete. Ukraina ve Ğarp Rusiyeni separatistlerge silâlı yardım köstergeninde qabaatlaylar. Kreml bu qabaatlarnı red ete ve Donbasta ancaq Rusiye «göñüllileri» bar, dep israr ete.
BM malümatına köre, 2019 senesi oktâbrniñ 31-ne qadar silâlı zıddiyet neticesinde Donbasta 13000 - 13200 insan elâk oldı.
