Link açıqlığı

Donbassta Dnepropetrovsk vilâyetiniñ qoşuluvı aqqında soravda tahminen 2,5 mln insan iştirak etti


Donetsk ve Lugansk vilâyetlerinde mayıs 11 künü keçirilgen Dnepropetrovsk vilâyetiniñ qoşuluvı aqqında soravda tahminen 2,5 mln insan iştirak etti.

Bunı tedbirniñ teşkiliy komitetine esaslanıp, Radіo Svoboda bildire.

Komissiyanıñ şimdiki malümatına köre, Lugansk vilâyetinde soravda 975 600 insan, Donetsk vilâyetinde – 1 million 467 biñ iştirak etti.

Komissiya başı Mihail Lısenko işbu malümat daa tolu olmağanını qayd ete.

Mında haber eteler ki, rey berüv planlaştırılğanı kibi Donetsk vilâyetinde –Debaltsevo, Yenakiyevo, Yasinovataya, Avdeyevka, Volnovaha, Novoazovskta, ve Lugansk vilâyetinde – Alçevsk, Stahanov, Brânk, Severodonetsk, Rubejnıy, Kremennaya, Starobelsk, Svatovoda keçti.

40-tan ziyade saylav bölügi çalşıtı, bundan da ğayrı rey berüv içün avuştırılğan urnalar bar edi.

Evelden Lugansk ve Donetsk vilâyetlerinde tahminen 100 territorial toplulığı Dnepropetrosk vilâyetiniñ qoşuluvına qol tuttı: komissiya olardan Yuqarı Şurağa yazılğan mütenasip muracaatnıñ kopiyasını elde etti.

Mayıs 11 künü Donetsk ve Lugansk vilâyetlerinde bu territoriyalarnıñ mustaqilligi aqqında «referendum»lar olıp keçti.
XS
SM
MD
LG