AQŞ prezidenti Donald Trump, Twitterde eñ çoq aytılğan siyasetçi oldı. Bu, içtimaiy ağ müdiriyeti yapqan yıl yekünlerinde bildirile, dep haber ete Azatlıq Radiosı.
Yılnıñ eñ populâr yazısı, yanvarniñ 5-inde yapon milliarderi ve sanat eserleriniñ toplayıcısı Yusaku Mayedzava bir millon dollarnı bağışlaycağı aqqında yazısı oldı. Aqça qazanmaq içün, onıñ saifesine abune olıp, twitni paylaşmaq kerek edi. Jerep taşlavı neticesinde ğalebe qazanğan 100 adamğa 10-ar biñ dollar yollanılacaq edi. Dekabrniñ 10-una qadar o yazını 4,5 milliondan çoq adam paylaştı.
Eñ populâr twitlerniñ arasında, dünuya retwitler rekordını qırmaq içün teklif etilgen tavuq yımırtası resmi oldı.
Bu yıl Twitterde eñ aytılğan filmi - Marvel dünyasınıñ “İntiqamcılar: Soñu” ("The Avengers: The Final" / “Mstitetil: Final”) blockbusteri oldı. Eñ çoq muzakere etilgen aktör - Marvel dünyasında "Örümçek adamnı" oynağan britaniyalı Tom Holland.
