Dnipropetrovsk vilâyetiniñ Samara rayonında Rusiyeniñ pilotsız uçağı bir evge tüşti, viraneler altında balalar qaldı.
Fevqulâde vaziyetler boyunca Ukrayina devlet hızmeti haber etkenine köre, yerli sakinler 12 yaşında qızçıqnı avdarma altından öz başına çıqara bildi, o, hastahanege yolda elâk oldı. Onıñ altı yaşında qardaşı qurtarıldı. Olarnıñ ana-babası da zarar kördi.
Nikopol rayonında 47 yaşında qadın yaralandı, onı orta ağır alda hastahanege qoydılar, dep bildire vilâyet memuriyetiniñ yolbaşçısı Serğiy Lısak.
Sinelnikovsk rayonında dronnıñ urması sebebinden agrar müessise çalışmay qaldı.
Fevqulâde vaziyetler devlet hızmetiniñ bildirgenine köre, Nikopolde Rusiye ordusı ev yanğınını söndürgen qurtarıcılarğa eki kere ücüm etti. Eki yanğıncı ve qurtaruv maşnası zarar kördi. Zarar körgenler yoq.
Umumen gece devamında Ukrayinağa 100 Rusiye uçucısız uçağı ücüm etti. Ukrayina Silâlı quvetleriniñ ava quvetleriniñ malümatına köre, 37 dron urıp tüşürildi, daa 47 uçucı-imitator maqsadına irişemedi. Ücüm neticesinde Harkiv, Donetsk, Dnipropetrovsk ve Kıyiv vilâyetleri zarar kördi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
