Dniproda Rusiye raketası çoq qatlı binağa urdı, dep haber etti Prezident ofisiniñ yolbaşçısınıñ muavini Kırılo Tımoşenko.
Onıñ sözlerine köre, dağıntılar altında adamlar bar eken.
Memur, binanıñ eñ az bir kirişi avdarılıp tüşkeni bildirdi. Qaza yerinde qurtaruv hızmetleri çalışmaqta.
Rusiye raketasınıñ urğanı yerden video yerli telegraf kanalları tarafından da yayınlana.
Yanvarniñ 14-nde Ukrayinanıñ bir çoq vilâyetinde ava mudafaası sistemaları çalışmaqta. Artıq Mıkolayiv, Dnipro, Vinnıtsâ, Lviv vilâyetlerinde, Kıyiv, Odesa, Krıvıy rig ve Harkiv şeerlerinde raketa darbeleri aqqında haber etildi.
Rusiye 2022 senesi fevralniñ 24-nde Ukrayinağa büyük istilâ etti, amma istegenini alamadı, hususan ukrainalılarnıñ tirenüvi sebebinden Kyivni zapt etemedi.
Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
