Dniproda mayısnıñ 26-nda Rusiye tarafından raketa ücümine tutulğan hastahaneniñ dağıntılarınıñ ayırıluvı yekünlendi, dep bildirdi vilâyetniñ başı Sergey Lısak.
Qıdıruv ve qurtaruv işleri bütün gece devam etken. Lısaknıñ malümatına köre, darbe neticesinde eki adam ölgen, 32 yaralanğan, olardan 13 hasthanege yatqızılğan, beşiniñ ala ağır eken.
Gece ücümi vaqtında Rusiye ordusı raketa ve dronlarnen Dnipro vilâyetine ücüm etti. Yerli başlıqlarnıñ malümatına köre, Dniproda hususiy bir evde yanğın olğan. Bundan ğayrı yanğın daa eki şahsiy şirkette de olğan, bir insan zarar körgen.
Mayısnıñ 26-na keçken gece Rusiye ordusı Ukrayinağa 17 raketa ve 31 pilotsız uçaqnen udljüm etti.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
