İyünniñ 30-nda saba saatlarında Rusiye arbiyleri Dnipro vilâyetiniñ Zelenodolsk cemiyetini ateşke tuttı, ilk malümatqa köre, adamlar zarar körmegen. Bunı vilâyetniñ arbiy memuriyetiniñ reisi Valentin Rezniçenko haber etti.
"Duşman Krıvıy Rig rayonınıñ şeer ve köylerine qarşı terror yapmağa devam ete. Saba saatlarında Zelenodolsk cemiyeti türlü silâlardan bir qaç kere ateşke tutuldı. Büyük Kostromkada darbe köyniñ merkezine endirilli. Zeledodolskta duşman çiftçilik işhanesine darbe endirdi. 40 tonna zahire ile anbarnı yoq etti. Patlav netidejsinde yanğın çıqtı", - dep yazdı o.
Onıñ sözlerine köre, vilâyetniñ diger rayonlarında şimdi tınç.
Rusiye fevralniñ 24-nde Ukrayinağa büyük istilâ etti, amma istegenini alamadı, hususan ukrainalılarnıñ tirenüvi sebebinden Kyivni zapt etemedi.
Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
