Aprelniñ 23-ne keçer gecesi Rusiye arbiyleri Dniproğa ücüm etti, elâk olğan ve yaralanğanlar bar, olarnıñ arasında balalar da bar, dep haber ete yerli akimiyet.
Saba eki elâk olğan kişi aqqında haber etildi, uçucısız ücüm etken evniñ bir sakini bağğa çıqmay edi.
Şeer yolbaşçısı Boris Filatov qurtarıcılar uçucısıznıñ gece ücüminiñ daa bir qurbanınıñ cesedini taptı, dep haber etti.
"Ne yazıq ki, ölgenlerniñ sayısı üç oldı", – dep yazdı şeer yolbaşçısı Telegramda.
10 kişi yaralandı, eki bala olğan dört kişi hastahanege alındı.
Rusiye arbiyleri Ukrayina regionlarına çeşit silâ qullanıp muntazam surette ücüm ete.
Rusiye akimiyeti, Rusiye ordusı Ukrayinanıñ şeer ve köyleriniñ grajdan infrastrukturalarına, hastahaneler, mektepler, bala bağçaları, energetika ve suv teminlevi obyektlerine ücüm etkenini red ete.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tanıdı ve olarnıñ maqsatlı olğanını qayd ete.