Rusiye ordusı Dniproğa ücüm etti, dep bildirdi vilâyetniñ yolbaşçısı Oleksandr Ganja iyünniñ 29-nda.
Onıñ malümatına köre, darbeni şahsiy müessise tasdıqladı. Başta yedi yaralanğan kişi aqqında belli edi, 22 yaşında erkek ağır alda edi.
Neticede Ganja elâk olğanlar aqqında haber etti:
"Rusiyelilerniñ Dniproğa qarşı saba ücümi 4 insannıñ ayatını bitirdi. 10 kişi yaralandı.
Darbe yerinde acele hızmetler çalışa, dep qoştı vilâyetniñ yolbaşçısı.
Rusiye arbiyleri Ukrayina regionlarına muntazam sürette ücüm ete, çeşit silâ qullana – uçucısız, raketa, KAB, reaktik toplu atış sistemaları.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tasnif ete ve olarnıñ maqsadı bar, dep qayd ete.
İnsanlarnı elektrik energiyası, sıcaq, su, bağ, tibbiy yardım ve yaşayış içün diger kerekli şaraitlersiz qaldırmaq içün eali yaşayışını teminlev sistemaları ve sağlıq müessiselerine qarşı ateşler genotsid areketleriniñ alâmetlerini taşıy.
Rusiye reberligi Rusiye ordusı büyük cenk vaqtında Ukrayinanıñ şeer ve köylerinde vatandaş infrastrukturasına qarşı darbe endirgenini, vatandaşlarnı öldürgenini ve hastahane, mektep, bala bağçaları, energetika ve suv obyektlerini yıqqanını inkâr ete.