Link açıqlığı

Saatnıñ esas haberi

«Qırım birdemliginiñ» koordinatorı Dilâver Memetov vaqtınca tutuv izolâtorından çıqtı


«Qırım birdemligi» cemaat birleşmesiniñ koordinatorı Dilâver Memetov 12 künlik memuriy apisten soñ Canköy vaqtınca tutuv izolâtorından çıqtı.

Bu aqta «Qırım birdemligi» bildirdi.

Vaqtınca tutuv izolâtorından çıqqan Memetov apiste olğanda oña ve qorantasına qoltutqanlarğa teşekkürler bildirdi.

Noyabrniñ 26-nda Aqmescitteki Qırım garnizon arbiy mahkemesiniñ binası ögünde Rusiye quvetçileri «Qırım birdemliginiñ» koordinatorı Dilâver Memetovnı tuttı. Quvetçiler Memetovğa «daa bir bozuv» aqqında haber etti. Soñra mahkeme Memetovnı 12 künge apiske aldı. Faal Rusiye Memuriy bozuv kodeksiniñ 20.2.2 maddesiniñ 1-inci qısmına istinaden («Açıq tedbir teşkilâtçısınıñ toplaşuvnı teşkil etüv ya da keçirüv nizamını bozuv») qabaatlandı.

«Qırım birdemligi» ve «Grani.ru» neşiriniñ jurnalisti Abdulla Seydametov da tutuldı, amma onı Rusiye quvetçilerine muarririyetniñ vazifesini ve matbuat kartını köstergen soñ yiberdiler.

Ukraina akimiyeti, aq qorçalayıcılar, çetel elçihaneleri ve missiyaları Rusiyeni Qırımda böyle taqiplerni toqtatmasına çağıra. Rusiye akimiyeti böyle çağıruvlarnı körmemezlikke ura.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

XS
SM
MD
LG