Devlet Duması Rusiye prezidentine sahte «DNR» ve «LNR» mustaqilligini tanuv aqqında muracaat qararına rey berdi. Bu malümat parlamentniñ alt palata saytında derc etildi.
«DD deputatları Donetsk Halq Cumhuriyeti ve Lugansk Halq Cumhuriyetiniñ tanılmasını delilli ve ahlâqça aqlı dep sayalar. Keçken yılları cumhuriyetlerde keçirilgen umumhalq rey berüvleri esasında demokratik organlar ve devletler qanuniy akimiyet atributlarınen beraber quruldı», – dep aytıla muracaatta.
Parlament azalarınıñ fikirince, böyle tanıma «halqlarınıñ tış telükelerden ve cumhuriyet sakinlerine qarşı genotsid siyasetiniñ kerçekleştirilüvi içün havfsızlıq ve qoruv kefaletleriniñ teminlerini berir, BM Nizamnamesiniñ maqsadları ve esaslarına köre halqara barışıq ve regional istiqrarlıq pekitilüvi ve eki devletniñ halqara tanılmasını başlatır».
«Novaya gazeta» yazğanına köre, KPRF qararınıñ leyhasına 351 deputat rey berdi, 16-sı qarşı çıqtı, bir deputat bitaraf qaldı. «Yedinaya Rossiya» teklif etken vesiqağa daa az rey berildi – 310.
Olarnı tanıma qararını Rusiye prezidenti Vladimir Putinge qabul etmege teklif etile.
