Qırımdan olğan Devlet Dumasınıñ deputatı Ruslan Balbek 2019-ıncı yılnıñ soñunda 5 million 428 biñ 131,37 rubleni vergi beyannamesinde qayd etti, 2018-inci yılda ise onıñ keliri 4 million 811 biñ 501,32 ruble edi.
Ayrıca, Balbekniñ beyannamesine köre, bir topraq parçası, bir mesken ev ve eki kvartira parasız bar, olardan bir danesini Devlet Duma deputatı salâhiyeti müddetine berildi. Mebusnıñ beyannamesinde maşna olması qayd etilmegen.
Daa evel Avropa Birligi ve AQŞ, Rusiye tarafından ilhaq etilgen Qırımda saylanılğan deputatlarğa qarşı sanktsiyalarnı kirsetti. Cedvelge Pavel Şperov, Konstantin Baharev, Andrey Kozenko, Svetlana Savçenko, Ruslan Balbek ve Dmitriy Belik kirdi.
Ruslan Balber 2016 senesi 18 sentâbrde ötkerilgen saylavlar neticesinde Rusiye Devlet Dumasınıñ deputatı oldı. Ğarbiy devletler bu Qırımda ötkerilgen bu saylavlarnıñ qanuniyetini qabul etmedi ve Balbeknen beraber yarımadada saylanılğan diger deputatlarğa da şahsiy sanktsiyalarnı qabul etti.
