ABD Devlet departamenti ve Mudafaa nazirligi, İspaniyanıñ El País neşri çprşenbe künü Rusiyeniñ telükesizilk kefaletleri adlandırılğan talaplarına ABD vn NATO-nıñ asıl cevaplvarınıñ kopiyalarını yayınlağanını tasdıqladı.
Amerkia tarafınıñ Moskvadan yayınlamamasını istegen vesiqalarnıñ İspaniya matbuatına nasıl etip tüşkeni haber etilmey.
Vesiqalar keçken afta Rusiye tarafına berilgen edi. Rusiye prezidenti Vladimir Putin salı künü çıqışta bulunıp, ABD ve ittifaqdaşlarınıñ cevaplarından memnün olmağanını bildirgen olsa da, Moskvadan bugünge qadar resmiy bir cevap kelmedi.
Rusiye dekabr ayında ABD ve NATO-ğa uquq ceetinden mecburiy telükesizilk kefaletleri adlandırılğan eki muqavele tizmege teklif etti. Moskva Ğarp memleketlerinden Ukraina ve Gürcistannı NATO-ğa qabul etmekten red etmege, olarnen arbiy işbirlikni toqtatmağa, NATO-nıñ Merkeziy ve Şarqiy Aropada arbiy infraterkibini dağıtmağa talap etti.
Bıltır küzde kütleviy haber vastalarında istihbaratnıñ Ukraina sıñırında Rusiye ordusı toplaşqanına dair malümatı peyda olıp başladı. ABD ve diger Ğarp memleketleri Moskva arbiy istilâğa azırlana, dep tahmin ettiler. Kreml bunı inkâr etip, ABD ve NATOdan telükesizlik kefaletlerini talap etti – hususan NATOnı şarqqa kenişletmemek. Moskva Washingtondan yazma şekilde cevap bermesini talap ete.
NATO, İttifaq Rusiye ile muzakerelerge azır, amma memleketlerniñ topraq bütünligine ve angi ittifaqlarğa kirmek qararını almaq aqqına ürmet kibi esas printsiplerinen bağlı uzlaşuvğa razı olmaycaq, dep bildirdi.
