Link açıqlığı

Saatnıñ esas haberi

Denisova, ukrainalı siyasiy mabüslerniñ azat etilüvini Türkiyede Qırım Dernegi İstanbul Şubesiniñ yolbaşçısınen muzakere etti


Lüdmila Denisova
Lüdmila Denisova

Ukraina Yuqarı Radasınıñ insan aqları vekâletlisi Lüdmila Denisova İstanbulda Qırımtatar medeniyet ve yardımlaşma Dernegi İstanbul Şubesiniñ reisi Celâl İçten ile körüşti.

Onıñ qayd etkenine köre, körüşüvde Rusiyede ve işğal etilgen Qırımda tutulğan 87 qırımtatarını azat etüv meselesinde işbirliginiñ yolları ve qorantalarına yapılacaq yardım muzakere etildi.

«Öz tarafından Celâl İçten «Ukrainanıñ tamır halqlarınıñ aqları aqqında» Ukraina qanunınıñ qabul etilüvini tezleştirmek içün Ukraina qanun teşebbüs qurulışlarına muracaat etmemizni rica etti. Bu qırımtatarlarınıñ aq ve serbestligi içün alıp barğan küreşine halqara toplulıqnıñ diqqatını celp etmege yardım etecek», – dep yazdı Denisova Facebookta.

Tünevin Yuqarı Radanıñ insan aqları vekâletlisi Türkiye ombudsmeni Şeref Malkoçqa Rusiye ve işğal altındaki Qırım apishanelerinde bulunğan ukrainalı siyasiy mabüslerniñ cedvelini berdi.

Sentâbrniñ 7-nde Ukraina ve Rusiye tutulğan şahıslarnı almaştırdı. 35 ukrainalı olğan uçaq «Borıspil» ava limanında qondı.

Ukraina prezidenti Volodımır Zelenskıynıñ Qırım.Aqiqatqa bildirgenine köre, qırımtatar faalleriniñ Rusiye apishanelerinden azat etilüvi Ukraina-Rusiye deñişiminiñ ekinci basamağı olacaq.

XS
SM
MD
LG