Ukrayina Yuqarı Radasınıñ insan aqları vekâletlisi Lüdmila Denisova Yuqarı Radanıñ onıñ vazifesinden boşatılması ile bağlı qararını izaatladı.
Denisova, mayısnıñ 31-i onıñ salâhiyet müddetiniñ soñki künü olğanını, amma işten çıqarılması ile razı olmağanını qayd etti.
"Men Ukrayinanıñ Anayasasına, qanunlarına ve halqara standartlarğa baqmadn işten boşatıldım. Bu qararnı mahkemede temyiz etecegim. Qanun er kes içün aynıdır!", - dep yazdı o.
İleride de Ukrayina ve vatandaşlanıñ aqlarını qorçalamağa devam etecegini de bildirdi.
Ukrayina Yuqarı Radası mayısnıñ 31-nde Lüdmila Denisovanı ombudsman vazifesinden boşatttı.
Lüdmila Denisova Ukrayina Yuqarı Radasınıñ vekâletlisi vazifesine 2018 senesi martnıñ 15-nde tayin etildi. Qanunlarğa köre, onıñ salâhiyet müddeti 5 yıl olmalıdır.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
