Ukraina Ombudsmanı Lüdmila Denisova Ukrainanıñ Rostov-na-Donudaki baş konsulı Taras Malışevskiyge ve halqara uquq qoruyıcı teşkilâtlarnıñ temsilcilerine muracaat etip, sentâbrniñ 16-nda Rostov-na-Donuda ve işğal etilgen Qırımda qırımtatarlarnıñ mevzusında olıp keçecek mahkemelerni ziyaret etmege çağırdı.
Lüdmila Denisovanıñ Facebook saifesinde yayınlağan beyanatında Ukraina ombudsmanı, Aqmescitte Merkeziy rayon mahkemesinde qırımtatar faali Edem Bekirovnıñ davası boyunca oturış, Aqmescitniñ Kyiv rayon mahkemesinde qırımtatar faali Zair Smedlânıñ davası boyunca oturış, Rostov-na-Donunıñ Cenübiy bölgesiniñ arbiy mahkemesinde üçünci Bağçasaray "Hizb ut-Tahrir davası" boyunca oturış olıp keçecegini hatırlattı.
«Qırımtatarlar Rusiyede yasaka etilgen, lâkin Ukrainada ve dünyanıñ bir çoq memleketlerinde milliy qanunlar seviyesinde yasaq etilmegen "Hizb ut-Tahrir" diniy teşkilâtınınh faaliyetinde iştirak etüv ile qabaatlanalar. Ukrainanıñ Rostov-na-Donudaki baş konsulı Taras Malışevskiyge ve halqara uquq qoruyıcı teşkilâtlarnıñ temsilcilerine muracaat etip, sentâbrniñ 16-nda Rostov-na-Donuda ve işğal etilgen Qırımda qırımtatarlarnıñ mevzusında olıp keçecek mahkemelerni ziyaret etmege çağıram», – dep yazdı Denisova.
Ukraina ombudsmanı Lüdmila Denisova Qırımda insanlarnıñ apiske alınması sebebinden BM İnsan aqları Yuqarı komissarı Michelle Bacheletke muracaat etti.
