Ukraina Yuqarı Radasınıñ insan aqları vekâletlisi Lüdmila Denisova Halqara insan aqları federatsiyasınıñ vekilleri Delfin Karlens ve İlya Nuzov ile işğal etligen Qırımda ve Donbasta insan aqlarınıñ bozuvlarını muzakere etti.
"Anda vatandaşlarımzğa dair uquq qaideleri çalışmağanını qayd ettim, olar er kün ukrain tarafdarı olğanı içün basqılarğa oğratıla. Tecavuzcı devlet Rusiye olarnı pasportlar almağa mecburlay, tuvğan tilde tasil alma aqqını boza, dolaşuv serbestligi, ifade serbestligi, din serbestligini boza", - dedi Denisova.
Öz nevbetinde, Halqara insan aqları federatsiyasınıñ vekilleri, olarnıñ teşkilâtı Ukrainadaki vaqialarnı közetkenini ve vatandaşlarnıñ aqlarınıñ bozuluvına qarşı küreşte yardım etecegini bildirdiler.
