Yuqarı Radanıñ insan aqları vekâletlisi Lüdmila Denisova, tevqif etilgen ve Aqmescit SİZOsında tutulğan Cemil Gafarovnıñ tibbiy baqıluvını keçirip, oña tibbiy yardımnı bermege Rusiye ombudsmeni Tatyana Moskalkovağa rica etti.
«У гражданина Украины критически ухудшилось состояние здоровья. Джемиль Гафаров сообщил об обострении болезни почек, проблемы с кишечником, сердцем и ухом. Кроме того, украинского политзаключенного в течение трех недель беспокоит постоянный кашель», – написала Денисова в Facebook.
"Ukraina vatandaşınıñ sağlıq alı pek fenalaştı. Cemil Gafarov, büyrek hastalığınıñ ağırlaşması, aşqazan, yürek ve qulağınen problemaları aqqında ayttı. Bundan ğayrı ukrain siyasiy mabüsni üç aftadan berli öksürik raatsızlay", - yazdı Denisova Facebookta.
Noyabr 19-ında advokat Rifat Yahin, ekinci Aqmescit "Hizb ut-Tahrir davası"nıñ iştirakçisi Cemil Gafarovnıñ tibbiy tedqiqini yapmaq ricası ömürge keçirilmegeni içün Aqmescit SİZOsına qarşı dava açtı.
Yuqarı Radanıñ insan aqları vekâletlisi Lüdmila Denisova işğal etilgen Qırımdan ukrainalı siyasiy mabüsler Cemil Gafarov, Server Gaziyev, Enver Ömerov veAsan Yanikovnıñ (Qırımdaki «Hizb ut-Tahrir davalarınıñ» mabüsleri) sağlıq vaziyeti fenalaşqanını bildirgen edi. Şu sebepten Denisova Rusiye ombudsmeni Tatyana Moskalkovağa muracaat etip, Ukraina vatandaşlarınıñ tibbiy tedqiqi içün yardım etmesini rica etti.
Daa evel Gafarovnıñ advokatı müvekkiliniñ alı kritik oldı, dep qayd etken edi. Cemil Gafarov üçünci derece saqatı, büyrekleri hasta ve yürek hastalıqları bar. Advokat Gafarovğa ilâc bermeyip, hastahanege avuştırmağa razı olmadılar, dep qoştı.
