Kıyiv Rusiye esirliginden 130 adamnı azat etti. Azat etilgenler arasında eñ genç kişi 21 yaşında, eñ büyügi yaqında 64 yaşını tolduracaq, dep bildirdi Ukrayina prezidenti ofisiniñ yolbaşçısı Andriy Yermak.
Bular Ukrayina Silâlı quvetleriniñ askerleri, sıñırcılar ve Devlet hususiy naqliyat hızmetiniñ arbiyleri. Olarnıñ arasında 87 Mariupol imayecisi, olardan 71 "Azovstal"dan.
"Bahmut ve Soledar bölgesinde esir alınğanlarnı da keri qaytaramız, episi olıp Donetsk vilâyetinden 35 kişi", - dedi Yermak.
Rusiye tarafı Kıyivniñ nezareti astında olğan topraqlardan 90 arbiyniñ qaytqanını bildirdi.
Martnıñ 7-nde olıp keçken deñişüv çerçivesinde qaytarıp olğan arbiylerniñ çoqusı ağır yaralı.
Bundan evelki deñişüv fevralniñ ortasında olıp keçken edi, o zaman 101 ukrayin azat etilgen edi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
