İyülniñ 2-sine itibaren 600-den çoq qırımlı ve aqyarlı, müddetten evel iyül 21-isinde keçirilecek Ukraina Yuqarı Radası saylavlarında iştirak etmek içün rey berüv yerini deñiştirdi. Bunı Ukraina Devlet reyestri malümatı köstere.
Hususasn, vaqtınca saylav yerini 516 Qırım sakini ve 122 Aqyar sakini deñiştirdi.
Qırımlı ve aqyarlılarnıñ çoqusı Kyivde rey berecek ola (sırasınen 203 ve 31).
Müddetten evel keçirilecek Ukraina Yuqarı Radası saylavlarında iştirak etmek içün rey berüv yerini iyül 15-inece deñiştirmek mümkün.
