Aq qorçalayıcılar 2024 senesi dekabr ayında işğal etilgen Qırımda doquz qanunsız apiske aluvnı qayd etti. Bu aqta Qırımtatar resurs merkeziniñ talilinde aytıla.
Aq qorçalayıcılarnıñ malümatına köre, 2024 senesi dekabr ayında 4 tutuv, 4 sorğu, soraştıruv ve «subetler» oldı. Beden ve ruhiy sağlıqnıñ eñ yüksek irişilgen standartı aqqı bozulğan 12 vaqia bellidir.
Apiske alınğan üç insannıñ adı belli: Oksana Senecuk, Pavel Levçenko ve Andrey Yenükov.
Qırımtatar resurs merkezi bildirgenine köre, 2017 senesinden başlap Rusiye işğal etken Qırımda 10018 esas insan aqlarınıñ bozuluvı qayd etildi, 6730-ı tamır qırımtatar halqına qarşı.
Roskomnadzor Qırım.Aqiqat saytını blok etti.Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
