Link açıqlığı

Saatnıñ esas haberi

"Davalar umumiy stsenariyge köre uydurıla": Almaniya gazetinde Nariman Celâlnıñ SİZO-dan mektübi yayınlandı


Aziz Ahtemov, Nariman Celâl ve Asan Ahtemov, arhiv fotosı

İşğal etilgen Qırımda Rusiye mahkemesi tarafından 17 yıl apis cezasına etilgen qırımtatar siyasetçisi ve faali Nariman Celâlnıñ mektübi Frankfurter Allgemeine Zeitung Almaniya gezetinde yayınlandı. Bunı Ukrayina TİN yolbaşçısınıñ birinci muavini Emine Ceppar haber etti.

Celâl mektübinde, "memuriy cöremeler ve tevqifler, insanlarnıñ tutıp esir etilüvi ve FSB-niñ mağazlarında iskencege oğratıluvı, uydurılğan cinayet davaları ve kerçek adliyeniñ olmaması Rusiye akimiyetiniñ adamlarnıñ öz fikrini bildirmek ve qanuniy aq ve serbestliklerini mudafaa etmek istegine cevaptır", dep yazdı.

"Rusiyeniñ Ukrayinağa qarşı büyük cenkiniñ başlamasından soñ bu vaziyet bayağı fenalaştı", - dep bildirdi Celâl.

Onıñ sözlerine "Ukrayina vatandaşları esassız terrorcılıq, diversiyalar, qanunsız silâlı müfrezelerde iştirak etüv ve cinayetler ile qabaatlana".

"Aynı zamanda qabaatlavlarğa baqmadan davalar FSB tarafından umumiy stsenariyge köre uydurıla", - dep yazdı o.

O, Avropa memleketlerini Ukrayinanı desteklemege, siyasiy mabüslerniñ deñiştirilmesine yardım etmege çağırdı. Bunda ğayrı Celâl Rusiyeniñ qırımtatar halqını diskriminayiyağa oğratqanına diqqat çekti.

Rusiye kontrolindeki Qırım Yuqarı mahkemesi sentâbrniñ 21-nde Anğarada «gaz borusındaki diversiya davasınıñ» mabüslerini uzun apis müddetlerine üküm etti: Nariman Celâl 17 yılğa ve 700 biñ ruble para cezasına, Asan Ahtemov 15 yılğa ve 500 biñ ruble para cezasına, Aziz Ahtemov 13 yılğa ve 500 biñ para cezasına üküm etildi.

Ukrayına Tış işler nazirligi, Ukrayınanıñ Qırım Muhtar Cumhuriyetindeki temsilciligi, Qırımtatar Milliy Meclisi ve aq qorçalayıcılar Celâl ve ağa-qardaş Ahtemovlarğa çıqarılğan ükümni takbih ettiler.

Qırımtatar halqınıñ lideri Mustafa Cemilevniñ Qırım.Aqiqatqa bildirgenine köre, o, Celâlnı Rusiye apsinden azat etüv meselesini Türkiye prezidenti Recep Tayyip Erdoğannen muzakere etmege niyetlene.

Avgustnıñ 23-nde «Qırım platforması» ekinci halqara sammitiniñ iştirakçileri Rusiyeni Nariman Celâlnı ve bütün qırımlı siyasiy mabüslerni azat etmesine çağırdı.

Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

XS
SM
MD
LG