Ukrayina Silâlı quvetleriniñ Baş ştabı Qırımda keçken künü Rusiye ordusınıñ mal-tehnik vastaları anbarına qarşı darbe aqqında esabat berdi. Bu haber müessiseniñ içtimaiy ağlardaki saifelerinde derc etildi.
"Vaqtınca işğal etilgen Qırım Muhtar Cumhuriyetindeki Anğara qasabasında duşmannıñ mal-tehnik vastaları anbarına ve Herson vilâyetiniñ Gromovka köyünde duşmannıñ tamir bölügine ücüm etildi", – dep aytıla haberde.
Bunıñ delili kösterilmedi. Ücüm etilgen anbarnıñ bulunğan yeri de aytılmadı. Bu malümat qoşma teşkerilmeli.
Rusiye arbiyleri bu haberni izaatlamadı.
Daa evel haber etilgenine köre, Qırımda Rusiyeniñ Ukrayinağa qarşı büyük istilâsınıñ beşinci yılında Rusiye Fevqulâde vaziyetler nazirligi Qırım yarımadasınıñ sakinlerine uçucısız ücümi telükesi aqqında mesac yollap başladı. Dron ücümi telükesi aqqında Qırımnıñ Rusiye yolbaşçısı Oleg Krüçkov da yazğan edi. Ücümniñ yeri aytılmay.
2022 senesinden başlap Qırım yarımadasınıñ territoriyasına aman-aman er kün pilotsız uçaq ve raketalar ücüm ete, çoqusı allarda Rusiye Mudafaa nazirligi ya da Rusiye akimiyeti arbiy obyektlerge ücüm etkenini tasdıqlamay.