Daniya ükümeti Ukrayina energetikasına qoltutuv Fondu içün 40 million Daniya kronası (tahminen 5,8 million ABD dolları) ayırmaq qarar aldı, dep aytıla Daniya Tış işler nazirliginiñ saytında.
"40 million Daniya kronası miqdarında yañı tölev sayesinde Danimarka kelecek qış devamında ealiniñ suv ve sıcaqnen teminlenmesine yardım ete", - dep aytıla haberde.
Bu malümatnı Ukrayina Energetika nazirliginiñ matbuat hızmeti de tasdıqladı, o, aprel 8-de Kıyivge kelgen Daniya Qırallığınıñ İqlim, energetika ve kommunal hızmetler naziri Lars Ogornıñ ile körüşti.
Eki yıl içinde memleket fondqa tahminen 11 million yevro berdi.
Ukrayina energetikasına qol tutuv Fondu 2022 senesi aprel ayında meydanğa ketirildi. O, ortaqlarından 405 million yevrodan ziyade topladı ve Rusiye ücümlerinden soñ energetika şirketlerine yardım etmek içün bir alet oldı.
Ukrayina baş naziri Denis Şmığal, soñki bir qaç afta içinde Ukrayinada Rusiye Federatsiyasınıñ kütleviy raketa ücümleri neticesinde issilik generatsiyasınıñ 80% yoq etildi, dep bildirdi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
