Ukrayina Milliy telükesizilik ve mudafa hızmetiniñ kâtibi Oleksiy Danılov, Rusiye ordusınınh miqdar üstünligi Ukrayina Silâlı Quvetleriniñ doğrulığı ile nivelirlegenini bildirdi
"Rusiye ordusınıñ miqdar üstünligi Ukrayinanıñ raketa-artilleri doğrulığı ile nivelirlene. Ğarpnıñ Ukrayina Silâlı Quvetleri içün silâları cenkniñ ketişatını deñiştire. Ve biz daa başlamadıq!", - dep yazdı Danılov.
Soñki vaqıt Ukrayina arbiyleri Rusiye komandanlıq noqtalarına ve silâ anbarlarına darbeler endirgeni aqqında sıq-sıq haber etile.
Berilgen malümatqa köre, Ukrayinağa yapılğan büyük ücüm başlağanından tahminen 37 400 biñ Rusiye arbiyi öldi.
Ukrayina cenübiy topraqlarınıñ işğalden azat etilmesine azırlana. Bunı Ukrayina Mudafaa naziri Oleksiy Reznikov The Times neşrine haber etti.
Rusiye fevralniñ 24-nde Ukrayinağa büyük istilâ etti, amma istegenini alamadı, hususan ukrainalılarnıñ tirenüvi sebebinden Kyivni zapt etemedi.
Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
