Qırım yarımadasınıñ kiralama ihtimalı imkânsızdır, dep bildirdi "La Repubblica" neşrine Ukrayina Milliy telükesizlik ve mudafaa şurasınıñ kâtibi Oleksiy Danılov.
"Olar artıq bizim kiracımız olğan edi: tezden kiralağanları şeyniñ saibi olmaqnı talap eterler", - dep qayd etti o.
İntervyü vaqtında Danılovğa BMT kefaleti ve Ukrayina suvereniteti ile silâsızlaştırılğan Donbasnıñ muhtariyetiniñ mümkün olıp olmaması ile bağlı sual berildi. Buña cevap berir eken, Ukrayinağa Qırımnıñ muhtariyeti yeterlidir, dep bildirdi.
"Budapeşt Memorandumında ne olğanını hatırlaysızmı? Topraq bütünliginiñ eñ yahşı kefaleti, Donets ve Lugansk ile beraber işğal altındaki bütün bölgelerniñ tam ve şartsız Ukrayina akimiyetiniñ nezareti astına qaytarılması olacaq", - dep bildirdi Danılov.
Bundan evel Aleksandr Lukaşenko, Rusiye ve Ukrayinanıñ 2022 senesi baarde "Qırımnı kiralama" ihtimalını muzakere etkenlerini bildirgen edi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
