Ukrayina Rusiye Federatsiyasınıñ arbiy obyektlerine darbeler cografiyasını kenişletmege devam etecek, bunıñ içün öz istisalı olğan silâlardan faydalanacaq, dep bildirdi Ukrayina Milliy telükesizlik ve mudafaa şurasınıñ kâtibi Oleksiy Danılov.
"Er bir yañı arbiy vazifesi ile urkrayin arbiy dronları ve deñiz dronları daa hassas alğa kele, operatorlar daa tecribeli, semereli ola", - dep bildirdi o.
Onıñ sözlerine köre, avgust ayı "ukrayina avcıları" içün "pek bereketli" olğan.
"Ögümizde mıqyasnıñ, arbiy işlerniñ kenişlenmesi. Rusiye nişanları ukrayin silâsı ve onıñ dünyağa tanıtılması içün eñ yahşı poligondır", - dep qoştı Danılov.
Danılovnıñ fikrince , ukrayin arbiy sanayı kompleksi "tehnika beñzersiz bir cenk tecribesi olğanı içün esas dünya oyuncalıranıdan biri olacaq".
Avgustnıñ 5-nde kündüz Razvojayev suv üstü dron aqqında haber etken edi, bundan soñ suv naqliyatınıñ arketine yasaq qoyulğan edi. Bugün ise o Aqyar deñiz mıntaqasında suv üstü dronnıñ yoq etilgenini bildirdi.
Ukrayina quvet hızmetleri Rusiyege qarşı ve işğal altındaki Qırımda ücümlerni çoq izaatlamay. 2023 senesi mayıs ayında Ukrayina telükesizlik hızmetiniñ yolbaşçısı Vasıl Malük Ukrayina telükesizlik hızmeti işğal etilgen Qırımda Rusiye flotunıñ gemilerine deñiz dronlarınen ücüm etkenini aydınlattı.
Ukrayina Cenübi mudafaa quvetleriniñ birleşken koordinatsion matbuat merkeziniñ matbuat kâtibi Natalâ Ğumenük Azatlıq Radiosınıñ yayınında Novorossiysk yanında patlavlar Rusiyeniñ provokatsiyaları ola bile, dep tahmin etti.
Rusiye kütleviy haber vastaları Rusiye Mudafaa nazirliginiñ malümatına esaslanıp, avgustnıñ 4-nde saba Krasnodar ülkesinde, Novorossiysk rayonında, «Rusiye gemileri eki ukrayin ekipajsız katerniñ arbiy-deñiz bazasına qarşı yapqan ücümini keri qaytardı», dep bildirdi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
