Kahovka suv elektrik stantsiyasınıñ patlatıluvı neticesinde işğal etilgen Qırımğa suv berilmesi yaqın kelecekte imkânsız olacaq, dep bildirdi Ukrayina Milliy telükesizlik ve mudafaa şurasınıñ yolbaşçısı Oleksiy Danılov.
"Rusiyeniñ bu eylemi yaqın kelecekte Qırımğa su teminatını bütünley imkânsız etecek", - dep bildiri o.
Danılovnıñ fikrince, "bu bentniñ ğayrıdan qurulmasına qadar, kelecek üç, beş, on yıl devamında" Qırımğa suv berilmesi mümkün olmaycaq.
İyünniñ 6-nda saba Rusiye Herson vilâyetinde Kahovka suv elektrik stantsiyasını patlattı, dep bildirdi Ukrayina arbiyleri.
Ukrayına prezidenti ofisiniñ yolbaşçısı Andriy Yermak Kahovka Kahovka suv elektrik stantsiyası bentiniñ bozuluvı Qırımnı içilgen suvsız qaldıra bile, dep bildirdi. Mesleatçısı Mıhaylo Podolâk patlatuvnı Rusiye Silâlı quvetleriniñ 205-inci motor atıcı brigadası yaptı, dep tahmin etti.
Ukrayina milliy telükesizlik ve mudafaa şurasınıñ kâtibi Oleksiy Danılov Kahovka Kahovka suv elektrik stantsiyasınıñ patlatıluvı «Rusiye istilâsınıñ yañı basamağı» ola, dep bildirdi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d2a3ebzji45ji0.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
