Link açıqlığı

Daa bir Ukraina bankı Qırımdan qaçıp kete


Aprelniñ 8-de «İmeksbank» Qırımdaki bölükleriniñ işini toqtattı.

Bunı maliy müessisesiniñ beyanatı tasdıqlay.

«İmeksbank idaresi Qırım Muhtar Cumhuriyetiniñ Rusiye Federatsiyasına qoşulmasını köz ögüne alıp, yarımadada bölüklerniñ işini toqtatmaq qararını qabul etmege mecbur», – bildirile beyanatta.

Bankta berilgen malümatqa köre, al-azırda Qırımda elektron, hazine ve banklara ödevler sisteması çalışmay. Kassalarnı paranen toldurmaq zor, em de Rusiye Merkeziy bankı şartlarını seslendirdi. Olarğa binaen, «Ukraina bankları ve bank faaliyeti aqqında» qanun çerçivesinde şartlarnı yerine ketirüv cezalanacaq. Cinaiy mesülietke bile çeke bileler.

«Böyle etip, Qırım bölüklerinde açılğan müşteri esaplarına hızmet etmek imkânsızdır», – dep qayd ete maliye müessisesinde.

Aprelniñ 15-den başlap «Rayffayzen Bank Aval» Qırımda bank faaliyetini toqtata.

Rusiye prezidenti Vladimir Putin «Qırım Cumhuriyeti ve Aqyar federal şeerinde keçici müddet devamında maliye sisteması faaliyetiniñ hususiyetleri aqqında» federal qanunnı imzaladı. Vesiqağa binaen, banklar Rusiye Bankından litsenziya almayıp, yılnıñ soñuna qadar çalışa bileler.
XS
SM
MD
LG