Link açıqlığı

Saatnıñ esas haberi

Daa 10 ukrayin arbiyi esirlikten azat etildi – Yermak


Andriy Yermak
Andriy Yermak

Ukrayina prezidenti ofisiniñ yolbaşçısı Andriy Yermak nevbetteki esir deñişmesi aqqında haber etti, onıñ neticesinde on ukrayina arbiy esirlikten azat etilgen.

"Bizimkiler evde. Nevbetteki esir deñişmesi olıp keçti. 10 ukrayin arbiyini qaytarıp oldıq. Olarnıñ arasında bir zabit ve 9 adiy asker ve çavuş", - dep yazdı Yermak Telegramda.

Onıñ sözlerine köre, Ukrayina tarafında cenkleşken amerikalı göñülli, ABD ordusınıñ veteranı Coşua Alan Consnıñ cesedi de teslim etilgen.

"Bizimkilerni episini evge qaytaracaqmız, işimizni devam etemiz", - dep qayd etti Yermak.

Ukrayina tarafı rusiye tarafına kimlerni teslim etkenini Preizdent ofisiniñ reberi bildirmedi.

Soñki büyük deñişme oktâbrniñ 17-nde olıp keçti, o zaman esirden 108 ukrayin qaydını azat etilgen edi.

Ukrayina prezidentiniñ ofis yolbaşçısı Andriy Yermak sentâbrniñ 22-ne keçer gecesi Ukrayına 215 arbiyini Rusiye esirliginden qaytardı, dep bildirdi. Onıñ aytqanına köre, 108-i – «Azov» askerleri.

Kıyiv Moskvağa Rusiye prezidenti Vladimir Putinniñ kumı Viktor Medvedçuknı, umumen 55 rusiyeli esirni berdi.

Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

XS
SM
MD
LG