Link açıqlığı

Saatnıñ esas haberi

Dağlıq Qarabağ. Silâlı zıddiyetniñ eki tarafı (fotoresimler)

Ermenistan ve Azerbaycan arasında silâlı zıddiyetniñ eki tarafında AFP agentliginiñ fotoressamları çalışa. Fotoresimlerde – Dağlıq Qarabağda sentâbrniñ 27-nden berli körgenler. Ermeni tarafından Aris Messinis fotoresim çıqardı, Azerbaycan tarafından fotoresimlerni Bülent Kılıç berdi.

Dağlıq Qarabağdaki silâlı zıddiyet sentâbrniñ soñunda pek kerginleşti. Oktâbrniñ 10-nda taraflar Moskvanıñ yardımınen barışıq aqqında añlaştı, amma tezden bir-birini añlaşmanı bozğanında qabaatlap başladı.

Ermenistan ve Azerbaycan arasında Dağlıq Qarabağnen bağlı topraq davası 1980-lerniñ soñlarından berli devam ete. Ealiniñ ekseriyeti ermeniler olğan Dağlıq Qarabağ muhtar vilâyeti Ermenistan yardımınen Azerbaycan Sovet Sotsialistik Cumhuriyetinden çıqqanını ilân etti, 1991 senesi sentâbr ayında ise «Dağlıq Qarabağ cumhuriyetiniñ» qurulışı aqqında bildirdi. 1988-1994 seneleri silâlı zıddiyet devamında separatistlerniñ regionında 30 biñ insan elâk oldı, yüz biñden çoq kişi qaçaq oldı ve köçmege mecbur oldı.


Facebook Forum

XS
SM
MD
LG