Link açıqlığı

Saatnıñ esas haberi

Dünyada koronavirustan 190 biñden ziyade adam öldi


Aprelniñ 24-ünde saba dünyada 190 788 adam koronavirustan öldi. Bunı Johns Hopkins Universiteti bildirdi, haber ete Azatlıq Radiosı.

2,7 milliondan ziyade adam COVID-19-nen hastalandı, 4,6 milliondan ziyade adam yahşı oldı.

Ukrainada, Sağlıq Nazirligine köre, aprelniñ 23-ünde saba koronavirus 7170 adamda tasdıqlandı. Ondan 187 adam öldi, 504 adam tedaviylendi.

Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.

O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.

2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.

XS
SM
MD
LG