Dünyada COVID-19 adiseleriniñ sayısı 18 millionğa yetti, bunı Johns Hopkins Universiteti bildire, dep yaza Azatlıq Radiosı.
Eñ çoq hasta AQŞ-nda (4,66 million), Braziliyada (2,73 million), İndistanda (1,75 million) ve Rusiyede (849 biñ) qayd etildi.
Bu hastalıqtan 688 biñ adam vefat etti. 10 649 108 hasta yahşı oldı.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
