Dünyada pandemiya başlağanından berli resmiy şekilde qayd etilgen koronavirus hastalarınıñ sayısı 14 milliondan çoq oldı. Bu aqta Johns Hopkins Universiteti bildire, dep yaza Azatlıq Radiosı. 600 biñden çoq kişi COVID-19-dan vefat etti, 7,8 million yahşı oldı.
Dünya sağlıq teşkilâtı hasta sayısı tez arta, dep bildirdi: soñki künde 237 743 yayeı hasta qayd etildi, pandemiya başlağanından rekord oldı. Eñ büyük raqam (eñ çoq 230 000) iyülniñ 12-nde oldı.
1 mln COVID-19 hastası aprelniñ 2-nde qayd etildi, 5 mln – mayısnıñ 20-nde, 10 mln – iyünniñ 27-nde.
Eñ çoq hasta ABDde (3,7 million), Braziliyada (2 million) ve İndistanda (1000000) qayd etildi. Soñki aftaları bu memleketlerde hasta sayısı pek arta – er kün bir qaç on biñ kişi qayd etile.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
