Tünevin dünyada COVID-19 adiseleriniñ künlük rekord sayısı qayd etildi, bunı Dünya Sağlıq Teşkilâtınıñ saytında yerleştirilgen malümat köstere, yaza Azatlıq.Radiosı.
Qayd etilgeni kibi, sentâbr 18-inde 315 919 yañı hasta qayd etildi.
COVID-19 adiseleriniñ ekseriyeti AQŞ-nda (6571119), İndistanda (5214677) ve Braziliyada (4419083) belli oldı.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
